දේවගැති ජෙරොම් ප්‍රනාන්දුට පනවා ඇති විදෙස් ගමන් තහනම තාවකාලිකව ඉවතට
බුදුදහම ඇතුළු අන්‍ය ආගම්වලට අපහාස වන අයුරින් ප්‍රකාශයක් සිදුකළේ යැයි චෝදනාවට ඇප මත සිටින දේවගැති ජෙරොම් ප්‍රනාන්දුට පනවා ඇති විදේශ ගමන් තහනම ජූනි 26 වැනිදා දක්වා ඉවත් කිරීමට කොටුව මහේස්ත්‍රාත් තිළිණ ගමගේ මහතා අද (03) නියෝග කරනු ලැබුවා.
අදාළ නඩුව අද (03) කැඳවූ අවස්ථාවේ දී ඉදිරි මාස කිහිපයේ දී ඕස්ට්‍රේලියාව ඇතුළු රටවල කිහිපයක දේශනා පැවැත්වීමට ජෙරොම් ප්‍රනාන්දු දෙ බලාපොරොත්තු වන බැවින් ඔහුට පනවා ඇති විදේශ ගමන් තහනම තාවකාලිකව ඉවත් කරන ලෙස විත්තිකරු වෙනුවෙන් පෙනී සිටි ජනාධිපති නීතිඥ අනුජ ප්‍රේමරත්න මහතා කොටුව මහේස්ත්‍රාත්වරයාගෙන් ඉල්ලීමක් කළේය.
ජෙරොම් ප්‍රනාන්දුට විදේශ ගමන් තහනමක් පනවා තිබියදී අත් අඩංගුවට ගන්නා බව දැන දැනත් පසුගිය අවස්ථාවේදී ශ්‍රී ලංකාවට පැමිණි බවත් මෙම අවස්ථාවේදීද දේශන අවසන් කර නැවතත් ඒ ආකාරයෙන්ම ශ්‍රී ලංකාවට පැමිණෙනු ඇති බව ද ජනාධිපති නීතිඥ අනුජ ප්‍රේමරත්න මහතා අධිකරණයට ප්‍රකාශ කර සිටියා.
එම අවස්ථාවේදී අධිකරණයට කරුණු දක්වමින් අපරාධ පරීක්ෂණ දෙපාර්තමේන්තුව ප්‍රකාශ කර සිටියේ බුදු දහම ඇතුළු අන්‍ය ආගම්වලට අපහාස වන අයුරින් ප්‍රකාශයක් කළේ යැයි චෝදනා එල්ල වී තිබෙන ජෙරොම් ප්‍රනාන්දුගේ දේශනය ඇතුළත් සී.ඩී තැටිය සම්බන්ධයෙන් වාර්තා කිරීමට තරම් විශේෂ කරුණක් අනාවරණය නොවූ බවයි.
Related News
උණුසුම් පුවත්
පොලිස්, ඉඩම් බලතල අපි දෙන්නේ නෑ - නාමල් රාජපක්ෂ
තලතා සජිත් හැරයයි
ලෝකයේ දිගම මුද්දරය ලංකාවෙන්
සතුරා බොරු ප්‍රචාර පිඹිමින් යනවා - අනුර කුමාර දිසානායක
මේවට උත්තර දියාපියෝ - රනිල් කියයි
නාම යෝජනා බාරගැනීම අවසන්, අපේක්ෂකයෝ 39ක්
ගෝඨා පසෙක සිටිද්දී නාමල් නාමයෝජනා අත්සන් තබයි
පාඨලී, ඩිල්ෂාන්, බදියුදීන් සජිත්ට එක්වෙයි
පුටුව සන්ධානයේ සහායත් රනිල්ට
අපේ ලොක්කා සති 3න් මැච් එක ගහනවා - හරීන්