සතුරා බොරු ප්‍රචාර පිඹිමින් යනවා - අනුර කුමාර දිසානායක

Aug 17, 2024 at 11:29 PM

|

Dawasa News

සතුරා විශාල ලෙස කලබලයට පත් වී තිබෙනවා. අවලාද අසත්‍ය තොරතුරු, බොරු ප්‍රචාර පිඹ පිඹ යනවා. මේවා කියන්නේ නිදන් කඩපු, පුරාවස්තු කඩපු, බුදුපිළිම වල පපුව හාරලා නිදන් හොයපු, දුටුගැමුණු රජතුමාගේ කඩුව හොයපු, සංස්කෘතික අරමුදල විනාශ කරපු අය තමයි අපිට චෝදනා එල්ල කරන්නේ යනුවෙන් ජනාධිපතිවරණ ජනරැළිමාලාව අරඹමින් අනුර කුමාර දිසානායක මහතා අද (17) තංගල්ලේ පැවති රැළියක දී කියා සිටියා.

වැඩිදුරටත් අදහස් දක්වමින් එතුමා කියා සිටියේ අපි මේ රටේ වංචාව, දූෂණය නතර කරනවා. වංචනිකයන්ට දඩුවම් දෙනවා. සොරාගත් දේපළ පවරාගන්න වැඩසටහනක් හදනවා. ඒවා පළිගැනීම් විදිහට නෙවෙයි ක්‍රියාත්මක කරන්නේ,...

අපි ආර්ථික සහ අධ්‍යාපන සැලැසුම් හදලා තියෙනවා. ඒ වගේම තෙල් මිලත්, විදුලි බිලත් අඩුකරන සැලැස්මත් හදලා ඉවරයි. අපේ ආණ්ඩුව පළමුවෙන්ම අධ්‍යාපනය වෙනුවෙන් ගහලා තියෙන බදු අඩුකරනවා.

මෙච්චර කල් ජනතාව ඡන්දෙ දීලා හැදුවේ රට වට්ටන, ඒ අය ගොඩයන ආණ්ඩු. අපි පළවෙනි වතාවට රට පෝසත් වෙන. ජනතාව සතුටින් ඉන්න ආණ්ඩුවක් හදනවා යනුවෙන් ද වැඩිදුරටත් ප්‍රකාශ කර සිටියා.