අවුුරුදු නැකත් ගැටළුව/ ආත්ම විශ්වාසයත් සමග වැඩකරන්න - ඇමති විදුර ජනතාවට කියයි

Apr 5, 2024 at 05:40 PM

|

Dawasa News

මෙවර අලුත් අවුරුදු ක්‍රීඩා සදහා නිර්ණායක ඉදිරිපත් කරන බව අද (05) පැවති මාධ්‍ය හමුවක දී අමාත්‍ය විදුර වික්‍රමනායක මහතා ප්‍රකාශ සිටියා. 

ඔහු වැඩිදුරටත් කියා සිටියේ දෙමාපියන්ට සහ දරුවන්ට එකට එක්ව අවුරුදු උත්සව වලට සහ ක්‍රීඩා අංග වලට එකතු වියහැකි, නැරඹිය හැකි ආකාරයෙන් අලුත් අවුරුදු අංග සිදුවිය යුතු බවයි. අපේ සංස්කෘතියට එකග ආකාරයේ සියලුම දෙනාට මානසික පීඩාවකින් තොරව වින්දනයක් ලබාගැනීමට හැකි පරිදි ඒවා සිදුවිය යුතු බවට ද පැවසූ අතර කිසිවකට තහංචි පනවා නැති බවද කියා සිටියා.  

මෙවර පැනනැගී ඇති අලුත් අවුරුදු නැකත් ගැටළුව සම්බන්ධයෙන් අදහස් දක්වමින් එතුමා කියා සිටියේ නැකත් සම්බන්ධ ප්‍රකාශ නිකුත් කළේ අමාත්‍යාංශ ලේකම්තුමා තමයි. නමුත් මට දෙන්න තියෙන්නේ එක උත්තරයයි, මම කියන්නේ මිනිසුන්ට ආත්ම විශ්වාසයත් එක්ක වැඩ කරන්න කියලා. බුදුන් වහන්සේ කොහෙද කියලා තියෙන්නේ නැකැත් වලට වැඩ කරන්න කියලා. ග්‍රහ තාරකා වලට, විවිධ වස්තූන්ට මිනිසකෙුගේ ඉරණම තීරණය කළ හැකි ද කියලා බුදුන් වහන්සේ දේශනා කරලා තියෙනවා. නැකැත් හරි වෙන්න පුළුවන් වැරදි වෙන්න පුළුවන්, මටත් තියෙන ගැටළුව තමයි මොන ක්‍රමයෙන් ආවත් එක උත්තරයයි එන්න ඕනේ.  උත්තර හතරක් පහක් තියෙන්න විදිහක් නෑ,  මේකත් අපේ සංස්කෘතියට පහර එල්ල කිරීමක් වෙන්න පුළුවන්, ලෝකේ එකම වෙලාවට කිරිබත හදලා කන එකම රට ලංකාව, මේ නැකත නිසා ඒකත් නැති වෙයිද කියලා මට අවිශ්වාසයක් තියෙනවා. 

නැකැත් කමිටුව පත්කරලා තියෙන්නේ එක්දහස් නවසිය ගණන් වල විජමු ලොකුබණ්ඩාර මැතිතුමා, 92 සිට මේ දක්වා සංශෝධන රහිතව මේ රාජ්‍ය නැකත් කමිටුව ඇවිල්ලා තියෙනවා. කොයි ආකාරයෙන් පත්වීම් දුන්න ද කියලා අදටත් මට දන්වලා නෑ.  

එක හින්දු මනුස්සයෙක් නැකත් වලට වැඩ කරනවා ද සිංහල දෙමළ අලුත් අවුරුද්ද කිව්වට, පුද්ගලයෙක් හැටියට මම වැඩකරන්නේ වෙලාවල් බලලා නෙවෙයි. රට බංකොළොත් උනේ  කොහොමද මේච්චර වෙලාවල් බලපු රටක, 

මේවායේ විශාල වෙනස් වීම් සිදුවිය යුතුයි. ඒක අමාත්‍යාංශයෙන්ම ඇතුළෙන්ම සිදුවිය යුතුයි. ජනාධිපතිතුමාටත් මම කියලා තියෙනවා. ඒත් මම බලාපොරොත්තු වෙන උත්තරය නම් තාම ලැබුණේ නෑ යනුවෙන් ද එතුමා පවසා සිටියා.