මවුලවි ළග ටී56 ගිනිඅවි දෙකක්

Jul 31, 2024 at 11:07 PM

|

Dawasa News

T56 වර්ගයේ ගිනිඅවි දෙකක් සමග මවුලවිවරයෙකු ඔට්ටමාවඩි, නාවල්අඩි මංසන්ධියේ දී පොලිස් විශේෂ කාර්ය බළකාය මගින් අත්අඩංගුවට ගෙන තිබෙනවා.

සැකකරු වැඩිදුර විමර්ශන සඳහා මේ වනවිට ත්‍රස්ත විමර්ශන කොට්ඨාසයට බාරදී ඇති බව ද වාර්තා වෙනවා.

ඔට්ටමාවඩි, නාවල්අඩි  ප්‍රදේශයේ පුද්ගලයෙකු යතුරුපැදියකින් ගිනි‍අවියක් රැගෙන ගමන් කරන බවට යුද හමුදා බුද්ධි අංශය පොලිස් විශේෂ කාර්ය බළකායේ අරලගංවිල කඳවුරේ නිලධාරීන්ට ලබා දී තිබූ තොරතුරකට අනුව සැකකරු අත්අඩංගුවට ගැනුණු අතර, ටී56 වර්ගයේ ගිනි අවියක්, මැගසිනයක් හා උණ්ඩ 29ක් ඔහු සන්තකයේ තිබියදී එම අවස්ථාවේ දී සොයාගෙන තිබෙනවා.

අනතුරුව සැකකරුගෙන් සිදුකළ ප්‍රශ්න කිරීම්වලින්වලදී හෙළිවූ තොරතුරු අනුව ඔහුගේ සහෝදරයෙකුගේ නිවසක් පොලිස් විශේෂ කාර්ය බළකායේ නිලධාරීන් පරීක්ෂාවට ලක්කර ඇති අතර, එහි තිබී තවත් T56 වර්ගයේ ගිනි අවියක්, මැගසිනයක් සහ උණ්ඩ 30ක් හමුවී තිබෙනවා.

වාලච්චේන, බුදිරියා නගරයේ පදිංචි 43 හැවිරිදි සැකකරුගෙන් සිදුකළ ප්‍රශ්න කිරීම්වලදී ඔහු පවසා ඇත්තේ, තමා නාවලපිටිය ප්‍රදේශයේ මවුලවිවරයෙක් ලෙස කටයුතු කළ බවය.

ගිනිඅවිවලට ඇති කැමැත්ත හේතුවෙන් හිටපු එල්.ටී.ටී.ඊ සාමාජිකයෙකුගෙන් එම අවි මිලදීගෙන ළඟ තබාගත් බවත් ඔහු පවසා තිබේ.

මේ පිළිබද වැඩිදුර විමර්ශන සිදුකරගෙන යන බව පොලිස් මාධ්‍ය ප්‍රකාශකවරයා සදහන් කර සිටියා.