සිහින සමීකරණ 17 දා විසදෙයි

May 10, 2024 at 01:49 PM

|

Dawasa News

සිහින සමීකරණ 17 දා විසදෙයි

තාරුණ්‍යයට ජිවිතේ මග වරදින්න යන්නේ පොඩි කාලයක්.එහෙම මග වැරදුනා කියලා ජිවිතේ ඉවර වෙන්නෙ නෑ. යලි මුල ඉඳන්ම පටන් ගන්න පුළුවන්. ඒ කියන්නෙ, ජීවිතයට ඇහැරෙන්න පුළුවන්.

ඒකට ඕන වෙන්නෙ උතුරු තරුවක් වගේ දිලෙන ආදරයක්,හරි මග පෙන්වන ආදරණීය ගුරුවරුන්,හැබෑම  මිනිස් සම්බන්ධතාවන්.

ඉදින් එවන් ආදරණීය "වෙනස් මිනිස් ඇසුරක්" ගැන ඔබට කියන, නුදුරු දිනක ඔබ හමුවට එන "සිහින සමීකරණ "  චිත්‍රපටය,දර්ශන විද්‍යා අරවින්දගේ තිර රචනයට , තරුණ ටෙලි නාට්‍ය හා චිත්‍රපට අධ්‍යක්ෂකවරයකු වන සසික හේරත්  අධ්‍යක්ෂකවරයාගේ කුළුඳුල් සිනමා  නිර්මාණය  වන  අතර  මහාචාර්ය චරිත් ජයතිලක සහ දම්මික ගීකියනගේ දෙපලගේ කුළුඳුල් සුසංයෝගී නිෂ්පාදනයක් වේ .මෙහි  මාධ්‍ය දැක්ම අප්‍රේල් 26 දින කොල්ලුපිටිය ලිබර්ට් සිනමා ශාලාවේදී පැවැත් වූ අතර  ඒ සදහා සිනමා පටයට රංගන දායකත්වය ලබාදුන් සියලුම නළු නිළියන් සමග කාර්මික ශිල්පීන් ඇතුලු විශේෂ අරාධිත අමුත්තන් රැසක් සහබාගි විය.

ප්‍රධාන චරිත තුලින් සජිත අනුත්තර, කසුනි කාවින්දි, අශාන් ඩයස්, රන්දික ගුණතිලක, පූජන දන්දෙනිය, රෙබෙකා දිල්රුක්ශි, වසන්ත විට්ටච්චි, මොරින් චාරුණි යන ප්‍රවීණ රංගන ශිල්පීන්ගෙ රංගන දායකත්වයෙන් "සිහින සමීකරණ " චිත්‍රපටය  නිරමාණය වී ඇත .

මෙම චිත්‍රපටය 2024 මැයි මස 17 වන දින සිට දිවයිනේ සියලුම සිනමා ශාලාවන්වල ප්‍රදර්ශනය සදහා සියලු කටයුතු සූදානම් කර ඇති බව එහි අධ්‍යක්ෂකතුමන්   විසින් දන්වා සිටි.

සමීකරණය විසදීමට සිනමා ප්‍රේක්ෂක ඔබ සියලු දෙනාට ආරාධනා.