වෙනිසියුලාව යළිත් නිකොලස් මදුරෝට

Jul 29, 2024 at 11:15 PM

|

Dawasa News

ඊයේ (28) පැවති වෙනිසියුලාවේ ජනාධිපතිවරණයෙන් පාලක සමාජවාදී පක්‍ෂයේ නායක නිකොලස්  මදුරෝ ජයග්‍රහණය කළ බව විදෙස් මාධ්‍ය වාර්තා කරනවා.

මෙහිදී නිකොලස් මදුරෝ 51.20%ක ඡන්ද ප්‍රතිශතයක් ලබාගැනීමට සමත් වී ඇති අතර විපක්‍ෂයේ අපේක්ෂකයා වන එඩ්මුන්ඩෝ ගොන්සාලෙස් උරුටියා 44.2%ක ඡන්ද ප්‍රතිශතයක් ලබා ගෙන ඇත. කෙසේ වෙතත් විපක්ෂය මැතිවරණ ප්‍රතිඵල පිළිගැනීම ප්‍රතික්ෂේප කර ඇති අතර නව පාලනයට එරෙහිව නැගී සිටින ලෙස හමුදාවෙන්ද ඉල්ලා ඇති අතර ඇමරිකාව, යුරෝපා සංගමය ඇතුළු රටවල් රාශියක් නිල චන්ද ප්‍රතිඵල පිළිබඳව සැක පළකරන බව ද වාර්තා වේ.

වෙනිසියුවෙලාවේ ජාතික මැතිවරණ කවුන්සිලය (CNE) විසින් ඉරිදා සවස ප්‍රකාශයට පත් කරන ලද නිල ප්‍රතිඵලවලට අනුව 80%ක ඡන්ද පත්‍රිකා ගණන් කිරීමෙන් සහ 59%ක සහභාගීත්වය තහවුරු කිරීමෙන් පසුව, හිටපු ජනාධිපති හියුගෝ චාවේස්ගේ (1999-2013) උරුමක්කාරයා වන 61 හැවිරිදි මදුරෝ මිලියන 5.15 ඡන්ද (51.2%) සමඟ අඛණ්ඩව තුන්වන වසර 06කට එනම් 2030 දක්වා නැවත තේරී පත් වී ඇති බව නිවේදනය කර ඇත. විරුද්ධ පක්ෂ අපේක්ෂක PUD පක්‍ෂයේ එඩ්මුන්ඩෝ ගොන්සාලෙස් උරුටියා ඡන්ද මිලියන 4.5ට අඩු (44.2%) ලබා ගෙන ඇත.

කෙසේ වෙතත් පරාජිත විපක්‍ෂයේ අපේක්‍ෂක එඩ්මුන්ඩෝ ගොන්සාලේස් උරුටියා නිකොලස් මදුරෝගේ පත්වීමට එරෙහිව විරෝධතා ජනතාව කැඳවීමක් සිදුනොකරන බවත් ජනතා මතයට ගරු කරන බවත් මාධ්‍ය ඉදිරියේ පවසා ඇති බව ද වාර්තා වේ.

මේ අතර රුසියානු ජනාධිපති ව්ලැඩිමීර් පුටින් මදුරෝගේ ජනාධිපතිවරණ ජයග්‍රහණයට සුබ පතමින් ටෙලිග්‍රෑම් පණිවිඩයක් යවා ඇති අතර ශක්තිමත් සම්බන්ධතාවයක් ගොඩනැගීම සඳහා රුසියාවේ සංචාරයක් සඳහා ද ආරාධනා කර ඇති බව විදෙස් මාධ්‍ය වාර්තා කරයි.