ළකුණු සමයි - ජය පරාජයෙන් තොරයි

Aug 2, 2024 at 10:40 PM

|

Dawasa News

ශ්‍රී ලංකාව සහ ඉන්දියාව අතර අද (02) පැවති පළමු එක්දින ක්‍රිකට් තරගයේ දෙපිළම ලකුණු සමවීම හේතුවෙන් ජය පරාජයෙන් තොරව අවසන් විය.

තරගයේ කාසියේ වාසිය දිනාගත් ශ්‍රී ලංකා නායකයා පළමුවෙන් පන්දුවට පහරදීමට තීරණය කරනු ලැබූ අතර යොවුන් වේග පන්දු යවන ක්‍රීඩක මොහෙමඩ් ශිරාස් ශ්‍රී ලංකාව වෙනුවෙන් එක්දින වරම් ලබාගැනීම ද අද විශේෂත්වයක් වුණා.

පිටියට පිවිසි ශ්‍රී ලංකා කණ්ඩායම පන්දුවාර 50ම මුහුණ දෙමින් කඩුලු 8ක් දැවී ලකුණු 230ක් රැස්කර ගත්තා.

පැතුම් නිස්සංක ලකුණු 56ක් රැස් කළ අතර සිය එක්දින දිවියේ මංගල අර්ධ ශතකය වාර්තා කළ දුනිත් වෙල්ලාලගේ නොදැවී ලකුණු 67ක් සහ වනිඳු හසරංග ලකුණු 24ක් රැස් කළා.

ලකුණු 231ක ඉලක්කයක් හඹායාමට පිටියට පිවිසි ඉන්දීය ආරම්භක පිතිකරුවන් යුගල පළමු කඩුල්ලට ලකුණූ 75ක සබඳතාවක් ගොඩනැගූ අතර ලකුණු 12ක් තුළ නායක රෝහිත් ෂර්මා, ශුබ්මන් ගිල් සහ වොෂිංග්ටන් සුන්දර් දවා ගනිමින් දුනිත් වෙල්ලාලගේ සහ අකිල ධනංජය ඉන්දීය පිලට පීඩනයක් එල්ල කළා.

ඉන්දීය පිලට ජයග්‍රහණය වෙනුවෙන් එක් ලකුණක් ලබාගැනීමට තිබිය දී චරිත් අසලංකගේ විශිෂ්ට පන්දු යැවීම හමුවේ එක පිට කඩුලු දෙකක් බිඳ හෙළීම නිසාවෙන් තරගය ජය පරාජයෙන් තොරව අවසන් කරනු ලැබුවා.

ලකුණු සම වුවද මෙම තරගයේ දී සුපිරි පන්දුවාරයක් ක්‍රියාත්මක කෙරුණේ නැත.