දැනට සිටින රැකියා විරහිත උපාධිධාරීන් පනස් දහසටම රැකියා අවස්ථා උදාකර දෙන බව විපක්ෂනායක සජිත් ප්‍රේමදාස මහතා ප්‍රකාශ කර සිටිනවා.

අන්තර්ජාලය හරහා මුදල් වංචා කිරීම සම්බන්ධයෙන් පුත්තලම ප්‍රදේශයේ දී විදේශීය ජාතිකයින් 50කට වැඩි පිරිසක් ඊයේ (30) අත්අඩංගුවට ගෙන ඇති බව වාර්තා වෙනවා.

T56 වර්ගයේ ගිනිඅවි දෙකක් සමග මවුලවිවරයෙකු ඔට්ටමාවඩි, නාවල්අඩි මංසන්ධියේ දී පොලිස් විශේෂ කාර්ය බළකාය මගින් අත්අඩංගුවට ගෙන තිබෙනවා.

එළඹෙන ජනාධිපතිවරණයේ දී ශ්‍රී ලංකා නිදහස් පක්ෂයේ පූර්ණ සහාය ජනාධිපති රනිල් වික්‍රමසිංහ මහතාගේ ජයග්‍රහණය වෙනුවෙන් දක්වන බව අද (31) පක්ෂ මූලස්ථානයේ පැවති හමුවකින් අනතුරුව ඔවුන් නිවේදනය කර සිටියා.

පසුගිය කාලය පුරාවට දිගින් දිගටම ඉන්ධන සහ ගෑස් මිල පහත හෙළනු ලැබූ අතර ජනපතිවරණ උණුසුම සමග තවත් මිල අඩුවේදැයි ජනතාව අපේක්ෂාසහගතව සිටි නමුත් එවැන්නක් සිදුනොවන බව වාර්තා වේ.

මේ රටේ දේශපාලනය වෙනස් වී තිබෙන ආකාරය පිළිබඳව වැඩිහිටි ගොවි අම්මා තාත්තලාටත් අපි හැමෝටමත් හොඳ අවබෝධයක් තිබෙනවා. අද වෙන කොට ගොවි බිමේ අසරණ වී සිටි ගොවියාට අවශ්‍ය බීජ, පොහොර, වතුර ලබාදී ශක්තිමත් කිරීමේ වගකීම ජාතික ජන බලවේගය බාර ගන්නවා යැයි ඊයේ (30) බුල්නෑවේ දී පැවති අනුරාධපුර ගොවි රැළිය අමතමින් ජාතික ජන බලවේගයේ විධායක සභික වසන්ත සමරසිංහ මහතා ප්‍රකාශ කර සිටියා.

අද (31) අළුයම ඉරානයේ ටෙහෙරාන් අගනුවර දී සිදු වූ ප්‍රහාරයකින් තම දේශපාලන නායක ඉස්මයිල් හනියේ ඝාතනය වූ බව හමාස් සංවිධානය පිළිගෙන තිබෙනවා.

2024 ජනාධිපතිවරණයේ තැපැල් ඡන්ද ඉල්ලුම් කිරීම සම්බන්ධයෙන් මැතිවරණ කොමිෂන් සභාව විසින් විශේෂ නිවේදනයක් නිකුත් කර තිබේ.

2024 ජනාධිපතිවරණයේ දී රනිල් වික්‍රමසිංහ මහතාගේ ජයග්‍රහණය වෙනුවෙන් කටයුතු කරන බව තහවුරු කරමින් පාර්ලිමේන්තු මන්ත්‍රීවරුන් 92නෙකු තම කැමැත්ත පළකර ඇතැයි ජනාධිපති මාධ්‍ය අංශය නිවේදනය කර සිටිනවා.