වැටුප් කප්පදු කිරීම් හා ඉල්ලීම් කිහිපයක් මුල් කර ගනිමින් පසුගිය බ්‍රහස්පතින්දා (02) දහවල් 12 සිට ආරම්භ කරන ලද විශ්ව විද්‍යාල අනධ්‍යයන කාර්ය මණ්ඩල වැඩ වර්ජනයට අද (09) වන විට සතියක කාලයක් ගත වී ඇත. ඊයේ (08) වන දින ඉදිරිපත් කරන ලද ඔවුන්ගේ ඉල්ලීමවලට ද විසඳුම් නොලැබුණු නිසා මෙම වැඩ වර්ජනය අඛණ්ඩව පැවැත්වෙයි. එම නිසා සමස්ථ විශ්ව විද්‍යාල පද්ධතිය ම අකර්මණ්‍ය වී ඇත. විද්‍යාර්ථීන්ගේ දේශන කටයුතු මෙන් න විභාග ද දින නියමයක් නොමැතිව කල් ගොස් ඇත. මෙලෙස අඩපණ වන්නේ රටේ අනාගතය නොවේද ? ඔවුන්ගේ ඉල්ලීම්වලට සාධාරණයක් ඉටු නොවන්නෙ මන් ද ? එලෙස ම ඔවුන්ගේ ඉල්ලීම් කෙතරම් සාධාරණ ද ?

2019 වර්ශයේ දී පත් වූ ආණ්ඩු ධූර කාලය 2024 නොවැම්බර් මස 18 වන විට අවසන් වන බැවින් ඊට මාසයකට පෙර හෝ මාස දෙකක් ඇතුලත ජනාධිපතිවරණය පැවැත්විය යුතු බව මැතිවරණ කොමිෂන් සභාවේ කොමසාරිස් ජනරාල් සමන් ශ්‍රී රත්නායක මහතා පවසා සිටියේ ය . ඒ අනුව අද (09) නිකුත් කරන ලද මාධ්‍ය නිවේදනයේ සඳහන් වන්නේ සැප්තැම්බර් 17 සිට ඔක්තෝබර් 16 දක්වා අතර කාලයේ දී මෙය පැවැත්වෙන බවයි. මැතිවරණ කොමිෂන් සහාවේ සභාපති ආර්.එම්.එල්. රත්නායක මහතාගේ අත්සනින් මෙම නිවේදනය නිකුත් කර ඇත. ආණ්ඩුක්‍රම ව්‍යවස්ථාවේ 1081 අංක 15 දරන ජනාධිපතිවරයා තෝරා පත් කර ගැනීමේ විධි විධානවලට අනුව මෙය සිදු වෙනු ඇත.

ශ්‍රී ලංකා කණ්ඩායම 2024 පන්දුවාර 20 ලෝක කුසලානයේ සහභාගී වන පළමු තරගයේදී දකුණු අප්‍රිකාව සමඟ ලබන ජුනි මස 3 වැනිදා නිව් යෝර්ක්හිදී තරග වැදීමට නියමිතය.

වැටුප් ඇතුළු ගැටලු කිහිපයක් මුල්කරගනිමින් විශ්වවිද්‍යාල අනධ්‍යයන සේවකයින් ආරම්භ කළ අඛණ්ඩ වැඩවර්ජනය අද (09) දිනයේත් ක්‍රියාත්මකයි.විශ්වවිද්‍යාල ප්‍රතිපාදන කොමිෂන් සභාව යටතේ ඇති රාජ්‍ය විශ්වවිද්‍යාල 17ක සහ උසස් අධ්‍යාපන ආයතන 17ක කටයුතුවලට අනධ්‍යයන සේවක වර්ජනයෙන් බාධා එල්ල වී ඇත.ඒ හේතුවෙන් මෙරට විශ්වවිද්‍යාල පද්ධතිය තුළ අභ්‍යන්තර හා බාහිරව අධ්‍යාපනය ලබන සිසුන් ලක්ෂ දෙකකට ආසන්න පිරිසක් දැඩි අර්බුදකාරි තත්වයකට පත්ව ඇත.

1944 ඔක්තෝම්බර් 20 දින පානදුර, කෝවිලගොඩැල්ලහි උපන් නලින් ද සිල්වා මහතා පානදුර, වෑකඩ බෞද්ධාලෝක මහා විද්‍යාලයෙන් ප්‍රාථමික අධ්‍යාපනය ලබා ද්වීතියික අධ්‍යාපනය කොළඹ තර්ස්ටන් විද්‍යාලයෙන් හා රාජකීය විද්‍යාලයෙන් ලබාඇත. ඔහු 1970 දී විවාහ වන අතර ඔහුට පුතුන් දෙදෙනෙකු සහ එක් දියණියක සිටී.

එළඹෙන මැයි දිනය පවත්වන්නේ, ජාතික ජන බලවේගයේ ආණ්ඩුවක් යටතේ බවත් නීතියක්, විනයක් සහිත සමාජයක් ගොඩනැගීම ජාතික ජන බලවේගයේ වගකීමක් බවත් එහි නායක අනුර කුමාර දිසානායක මහතා අද (01) මාතර වෙරළ උද්‍යානයේ පැවති මැයි රැළියට එක්වෙමින් අවධාරණය කර සිටියා.

මෙවර පවත්වනු ලබන මැයි රැළිය ඉතාමත් තීරණාත්මක එකක් බව ශ්‍රී ලංකා පොදුජන පෙරමුණේ නායක හිටපු ජනාධිපති මහින්ද රාජපක්ෂ මහතා අද (01) බොරැල්ල කැම්බල් පිටියේ දී පැවති ශ්‍රී ලංකා පොදුජන පෙරමුණ මැයි රැළියට එක්වෙමින් ප්‍රකාශ කර සිටියා.

ජාත්‍ය‍යන්තර මූල්‍ය අරමුදල සමඟ ගිවිසුම සාර්ථක කර ගනිමින් රටේ ආර්ථික ස්ථාවරත්වය ආරක්ෂා කර ගැනීමට ආණ්ඩුව සමඟ ගිවිසුමකට එක්වන ලෙස ජනාධිපති රනිල් වික්‍රමසිංහ මහතා සමගි ජන බලවේගය, ජනතා විමුක්ති පෙරමුණ ඇතුළු දේශපාලන පක්ෂවලින් අද (01) ඉල්ලා සිටියා.

ලෝක කම්කරු දිනය යෙදෙන මැයි 01 වැනිදා “කම්කරු දිනය දේශපාලනීකරණය නොකරනු” යනුවෙන් නව ජනතා පෙරමුණ විසින් සංවිධානය කළ විරෝධතාවක් අද (01) කොටුව දුම්රියපොළ ඉදිරිපිට දී පවත්වනු ලැබුවා.